Reglur

Leikreglur

5 leikmenn eru inni á leikvelli í hverju liði í senn. Leiktími er 2 x 8 mínútur, hálfleikur er í 1-2 mínútur.

Upphafsspyrnur og útspörk:

  • Ekki má skora úr innkasti, upphafsspyrnu eða beint úr útsparki (þegar markmaður heldur á boltanum og sparkar út) jafnvel þó markmaður verji hann inn.

  • Þegar markmaður byrjar með boltann við markspyrnu á andstæðingurinn að bakka aftur fyrir miðju.

Sending til baka:

  • Markmaður MÁ alltaf taka bolta með höndum innan vítateigs ef sent er til baka á hann.

Aukaspyrnur:

  • Allar aukaspyrnur eru beinar og má skora beint úr þeim.

  • 6 metrar í vegg.

Innspark/Knattrak

  • Ef boltinn fer út fyrir hliðarlínu skal taka innspark eða knattrak.

    • Innspark: Bolti er lagður kyrr á hliðarlínu og honum komið í leik með sendingu. Óheimilt er að lyfta bolta hærra en í hnéhæð með innsparki. Óheimilt er að skora beint úr innsparki.

    • Knattrak: Bolti er lagður kyrr á hliðarlínu og honum komið í leik með því að rekja boltann af stað frá hliðarlínu.

Vítaspyrnur:

  • Eru teknar á vítateigslínu fyrir miðju marki.

Annað:

  • Engin úrslit verða skráð með meira en 3ja marka mun þó leikir vinnist stærra. (7-0 sigur er skráður 3-0 og 7-1 sigur skráður 4-1 og svo fr.v.)

  • Skoruð mörk skipta ekki máli í lokin heldur markamunur (munur á skoruðum mörkum og fengnum á sig).

  • Ef lið verða jöfn að stigum í lokin ræður innbyrðis viðureign, eftir það markamunur (m.v. +3 regluna). Ef enn er jafnt verður varpað hlutkesti.

  • Í úrslitaleikjum um 1. sæti er fimm mínútu framlenging og ef það er jafnt að henni lokinni er uppkast. 

  • Í úrslitaleikjum um 3. sæti eða neðar er uppkast strax að leik loknum.

Séu athugasemdir við skráð úrslit leiks skal tilkynna mótsstjórn (s:867-3799) um það samdægurs, í síðasta lagi á þjálfara/liðstjóra fundi  um kvöldið sama dag.