Vormót

Vormót

Vormót Tindastóls eru haldin í íþróttahúsinu á Sauðárkróki seinni partinn í maí ár hvert. Mótið er opið fyrir fjórtán ára og yngri (U15) en er þó aðallega hugsað fyrir yngri iðkendur. Keppendur hafa undanfarin ár komið frá Akureyri, Blönduósi og Reykjavík. Mótið hefst með sameiginlegri æfingu keppenda klukkan 10:00 og mótið sjálft hefst upp úr klukkan 11 eftir að búið er að staðfesta keppnisflokka. Mótsgjald er 2.000 kr á keppenda og greiðist á mótsstað fyrir mót. Tekið er á móti skráningum á judo@tindastoll.is með nafni, kennitölu og þyngd keppanda. Skráningarfrestur rennur út þremur dögum fyrir mót en þó er oft hægt að taka við skráningum fram á síðustu stundu. Eftir mót er keppendum og fylgdarliði boðið upp á grillað lambakjöt og meðlæti.

Jólamót

Jólamót

Árleg jólamót júdódeildarinnar eru haldin í lok haustannar í íþróttahúsinu á Sauðárkróki og eru þau einungis ætluð iðkendum júdódeildar Tindastóls. Allir keppendur fá gullpening að launum og verða pítsur á boðstólnum fyrir keppendur eftir mót ;) Aðstandendur og gestir eru velkomnir að koma og fylgjast með -- hvað er betra en að gera smá hlé á jólaundirbúningnum og fylgjast með keppni í júdó!