Stórmót ÍR í frjálsíþróttum fer fram í Laugardalshöllinni í Reykjavík helgina 28.-29. janúar. Mótið er fyrir alla aldursflokka. Skráðir keppendur eru 750 frá 22 félögum og samböndum. Frá UMSS eru 35 keppendur.

KSÍ hefur birt fyrstu drög að dagsetningum á leikjum Íslandsmótsins í sumar. Fyrsti leikur Tindastóls verður útileikur gegn Ólafi Jóhannessyni og lærisveinum hans í Haukum. Fyrsti heimaleikurinn verður 19.maí gegn Víking Ólafsvík.

Tindastólsliðið mætir Íslands- og bikarmeisturunum í undanúrslitum bikarsins þetta árið en rétt í þessu var verið að draga KR-ingana í Skagafjörðinn. Leikurinn verður settur á einhvern tíman um helgina 4.-5. febrúar n.k. og eins og glöggir stuðningsmenn hafa kannski áttað sig á þá er hið víðfræga Króksblót haldið þessa sömu helgi þannig að það verður aldeilis veisla í Skagafirðinum í næstu viku. Spurning um að hafa leikinn bara sem skemmtiatriði á blótinu.

Skíðasvæðið verður lokað í dag vegna veðurs en við vonumst til að geta haft opið á morgun ef veður leifir

Sundæfing hjá yngri hóp 1-5 bekkjar frestast í dag vegna veðurs. Sundæfing fyrir eldri hóp 6-10 bekk verður í dag, sama tíma kl. 16-17, en það er auðvitað val foreldra hvort það sendir sundiðkenda á æfingu þegar er vont veður.