Fréttir

Látinn er í Gautaborg einn þekktasti frjálsíþróttaþjálfari Svía, Pekka Dahlhöjd. Hann þjálfaði marga Íslendinga og hélt eftirminnilegt námskeið hér heima á Sauðárkróki 1997.

Frjálsíþróttasambandið hefur birt lista yfir þau sem skipa „Afrekshóp FRÍ 15-22 ára 2013“. Alls er 21 einstaklingur í hópnum, meðal þeirra er Jóhann Björn Sigurbjörnsson Tindastól, sem valinn er vegna afreka sinna í 100m og 200m hlaupum. Unnið er að gerð lágmarka fyrir „Úrvalshóp unglinga FRÍ“ og verður listi yfir hópinn birtur fljótlega.

UFA heldur Aprílmót í frjálsíþróttum í Boganum á Akureyri laugardaginn 13. apríl frá kl. 10:45-16:00. Keppt verður í öllum aldursflokkum frá 9 ára og yngri, upp í karla- og kvennaflokk.

Meistaramót Íslands í frjálsíþróttum innanhúss, fyrir 11-14 ára, fór fram í Laugardalshöllinni í Reykjavík helgina 23.-24. febrúar. Í skagfirska liðinu voru 23 keppendur, en keppendur voru alls um 380 frá 20 félögum og samböndum.

Aðalfundur Frjálsíþróttadeildar Tindastóls var haldinn 21. febrúar. Fram kom að gróska er í starfinu og fjárhagslega stendur deildin vel. Sigurjón Viðar Leifsson var endurkjörinn formaður deildarinnar.

Aðalfundur Frjálsíþróttadeildar Tindastóls verður haldinn fimmtudaginn 21. febrúar og hefst hann kl. 20. Fundurinn verður haldinn að Víðigrund 5 á Sauðárkróki.

Bikarkeppni FRÍ var háð laugardaginn 16. febrúar. Norðlendingar úr UMSS, UMSE, UFA og HSÞ tefldu fram sameinuðu liði. FH-ingar, sigurvegarar síðasta árs, urðu nú að lúta í lægra haldi fyrir ÍR-ingum, - og Norðlendingum sem náðu sínum besta árangri frá upphafi.

Rauðir T-bolir með merki UMSS eru komnir í sölu hjá Tískuhúsinu á Sauðárkróki. Keppnisbúningarnir eru einnig til sölu þar.

Aðalhluti Meistaramóts Íslands í frjálsíþróttum innanhúss fór fram í Laugardalshöllinni í Reykjavík helgina 9. og 10. febrúar. Jóhann Björn Sigurbjörnsson setti á mótinu nýtt skagfirskt héraðsmet í 200m hlaupi innanhúss.

Tískuhúsið á Sauðárkróki hefur tekið að sér umboðssölu á keppnisbúningum UMSS í frjálsíþróttum. Nánari upplýsingar....