Fréttir

Sundhaustið hefur gengið vel hjá sundgörpunum okkar, og er alltaf mikið líf og fjör á æfingum. Veðrið hefur að mestu leyti verið okkur hliðhollt, þó það sýni smá derring annað slagið, enda veturinn farinn að láta kræla á sér. Sundgarparnir okkar eru þó algjörir naglar og láta ekki smá norðanstorm og éljagang koma í veg fyrir góðan sundsprett. Krakkarnir hafa tekið góðum framförum í haust og er alltaf ánægjulegt að sjá gleðina sem fylgir því að öðlast nýja færni og meira öryggi í vatninu. Á hrekkjavökunni var haldið heljarinnar froðupartý með allskyns kynjaverum í pottinum, og var fjörið svo mikið að hluti skagfirðingabrautar varð hvítur af froðu-hnoðrum, en vindurinn aðstoðaði þó aðeins við það. Nú hefst aðventan innan skamms, og munum við halda ótrauð áfram fram að jólafríi. Til að gæta öryggis minnum við á mikilvægi þess að börn með sítt hár hafi með sér hárteygju. En þónokkuð hefur verið um að sítt hár fari í öndunarfæri barnanna og getur það skapað hættu í vatninu. Bestu kveðjur úr sundinu, þjálfarar

Í dag 19.september hefjast sundæfingar hjá okkur aftur!

Skráning fer fram https://umss.felog.is/ Allir mega koma og prófa fyrstu tvær vikurnar áður en gengið er frá skráningu. Þetta verður skemmtilegur vetur og mikið um að vera. Kveðja! Stjórn Sunddeildar Tindastóls

Það er búið að opna sundlaugina á Sauðárkróki og við erum byrjuð með sundæfingar

Sunddeildin ætlar að bjóða iðkendum sýnum uppá öðruvísi dag en á þurru landi þann 9.nóvember - fimmtudag verður samveru stund í húsi Frítímans kl. 17:30-19:00 þar horfum við á mynd, borðum popp og djús í boði. Kveðja! Þjálfarar Þorgerður Þórhallsdóttir og Eva María Sveinsdóttir.

Sunddeild Tindastóls haust 2017 Sundæfingar byrjuðu 25.september. Æfingar hjá 1-2 bekkur byrjuðu 4.október Við tökum þátt í íþróttaviku Evrópu daganna 23-29 september, opnar æfingar og fríar út september og alls konar uppákomur í sundlaug Sauðárkróks á vegum sunddeildar. https://www.beactive.is/ Æfingartafla 1-2 bekkur mánudaga og miðvikudaga kl 16:20-17:00 3-4 bekkur mánudaga kl 17.20-18:10, fimmtudaga kl 16:20-17:10 5-10 bekkur mánudaga kl 18:20-19:20, miðvikudaga 17:30-18:30, fimmtudaga kl 18-19 Ath: Getur tekið breytingum en með fyrirvara 1-2 bekkur skráning er á netfang: sund@tindastoll.is með nafni barns og kt, nafni foreldris og gsm nr. Æfingar byrja 4.október fyrir þennan hóp. ..

Sunddeildin ætlar að fara af stað þetta haustið. Við erum búin að ráða til okkar Evu Maríu Sveinsdóttir ættuð frá Siglufirði hún er 31.ára gömul, býr á Sauðárkróki með Birni Magnúsi Árnasyni og börnum. Eva María kenndi sund hjá sumartími í sumar og er sjálf sundkona, æfði í 8.ár og bjó næstum í sundlauginni sem krakki. Eva María verður þriðji þjálfarinn með Þorgerði Þórhallsdóttir og Árnýju Oddsdóttir sem var hjá okkur sl.vetur. Bjóðum hana velkomna. Stefnan er að byrja í vikunni 25.september en nánari tímasetning kemur síðar og auglýst verður í sjónhorni með tímasetningar. Við ætlum að taka inn 1-2 bekk og halda áfram með hina bekkina. Þetta verður spennandi og skemmtilegur vetur. Hlökkum til að sjá ykkur. Kveðja! Stjórnin og þjálfarar

Iðkendur og þjálfarar Sunddeildar UMF Tindastóls bjóða krökkum að koma og prufa og hafa gaman með þeim í lauginni, í Hreyfiviku UMFÍ. Þetta er síðasta æfingarvika vetrarins, og margt skemmtilegt verður um að vera. Opnar æfingar frá kl. 16:30-18:00, dagana 29.maí, 31. maí og 1. júní. 1.júní - fimmtudagur kl. 17.15 verður í boði sápukúlur í heitapottinum, tónlist. Þeman er bikiní og náttföt. Förum í leiki og fleira gert. Mæta með góða skapið.