Fréttir

Það er skammt stórra högga á milli hjá strákunum í meistaraflokknum þessa dagana. Yfir stendur hatrömm barátta um síðasta lausa sætið í úrslitakeppninni og til að halda þeirri baráttu lifandi, verða strákarnir að leggja Njarðvíkinga að velli á fimmtudagskvöld. Kl. 16 fimmtudag spila þessi lið í undanúrslitum Bikarkeppni 11. flokks drengja og eftir meistaraflokksleikinn er komið að leik liðanna í unglingaflokki karla.

Hið árlega konukvöld til stryktar körfuknattleiksdeildinni verður haldið á laugardaginn kemur á Mælifelli. Þessi viðburður hefur verið afar vel sóttur og mikið stuð, auk þess að skila drjúgum tekjum í sjóði körfuknattleiksdeildar.

Guðlaug Rún Sigurjónsdóttir hefur verið valin í U-16 ára landslið stúlkna sem tekur þátt í Norðurlandamótinu í Solna í Sviþjóð í maí n.k.

Vegna leiðinda veðurspár, fellur morgunæfing niður í fyrramálið, þriðjudagsmorgun.

Síðasta búningapöntun keppnistímabilsins er framundan og þurfa allir sem ætla að panta sér búning að þessu sinni, að gera það eigi síðar en 5. mars.

Meistaraflokkurinn heldur suður yfir heiðar í dag og etur kappi við Þórsara í Þorlákshöfn kl. 19.15. Strákarnir sýndu það gegn Snæfelli á mánudaginn að á góðum degi geta þeir lagt hvaða lið sem er. Leikurinn verður sýndur á Sport TV og ætla stuðningsmenn að hittast á Mælifelli.

10. flokkur stúlkna og 9. flokkur drengja luku þriðju umferð fjöllamóta Íslandsmóts yngri flokka um helgina. Stelpurnar unnu B-riðilinn sannfærandi og strákarnir héldu sæti sínu í B-riðli, en þeir voru að spila þar í fyrsta skiptið.

Aðalfundur Tindastóls verður haldinn 13. mars nk. kl. 20.00 í Húsi Frítímans.

Feykir TV var að sjálfsögðu á staðnum þegar Tindastóll sigraði Snæfell á mánudagskvöldið. Leikurinn var gríðarlega spennandi og skemmtilegur og sýndi hvað í okkar liði býr á góðum degi.

Tindastóll atti kappi við Snæfellinga þetta mánudagskvöld í Síkinu á Sauðárkróki, í virkilega mikilvægum leik, sérstaklega fyrir heimamenn sem eru í blóðugri fall/úrslitakeppnisbaráttu. Liðin létu óvenjulegan leiktíma ekki trufla sig mikið nema síður sé, og buðu upp á algjöra eðal skemmtun. Eigilega skandall að áhorfendur hafi bara borgað þúsund kall fyrir miðann.