Fréttir

Tindastóll hefur gengið frá samningum við tvo leikmenn fyrir komandi tímabil. Elvar Páll Sigurðsson kemur til Tindastóls á lánssamningi, Elvar er bróðir Arnars Sigurðssonar og mun því bætast enn í bræðrahópinn hjá Tindastól. Elvar spilaði á síðasta tímabili með ÍR. Rodrigo Morin er einnig gengin til liðs við Tindastól, en hann kemur úr Háskólanum West Texas A&M, það er einmitt sami skóli og Seb Furness kom frá.

Uppskeruhátíð yngri flokkanna var haldin í gær í íþróttahúsinu. Ágætlega var mætt af iðkendum og foreldrum og eftir afhendingu viðurkenninga var boðið upp á pylsur sem runnu ljúflega ofan í mannskapinn.

Unglingaráð heldur uppskeruhátíð yngri flokkanna í íþrótthúsinu, þriðjudaginn 7. maí, kl. 17.00. Á dagskrá verða hefðbundnar viðurkenningaafhendingar og veitingar. Foreldrar boðnir sérstaklega velkomnir.

Sumaræfingar yngri flokka körfuknattleiksdeildar hefjast í þessari viku, nánar tiltekið í dag. Um hefðbundið sumarprógramm verður að ræða, eða tvær æfingar í viku fyrir krakka frá 6. - 10. bekk.

Núna eru rétt rúmar tvær vikur í að flautað verður til leiks á Sauðárkróksvelli og bæjarprýðin lítur vægast sagt illa út. Mikill klaki lá á vellinum í langan tíma í vetur og fór klakinn ekki af vellinum fyrr en vinnuvélar voru búnar að brjóta hann af. Hvort þær aðgerðir fóru of seint af stað er erfitt að svara á þessum tímapunkti en ljóst er að við þurfum mikinn hlýindakafla, kraftaverk, nýtt gras... eða gervigras til að geta spilað á grænu grasi í byrjun móts.

Breyting á æfingartíma hjá sunddeild þessa daga frá 2-17 maí vegna skólasunds 1-3 bekkjar..ofl..

Ingi Þór Steinþórsson, þjálfari U-18 ára landsliðs karla, hefur kallað á Pétur Rúnar Birgisson í landsliðið vegna forfalla.

Finnur Jónsson, landsliðsþjálfari U-15 stúlkna, hefur kallað Bríeti Lilju Sigurðardóttur inn í landsliðið, sem tekur þátt í Copenhagen Invitational mótinu í sumar.

Ár hvert heldur Kiwanisklúbburinn Drangey og sunddeild Tindastóll bikarsundmót í Sundlaug Sauðárkróks þann 30.apríl Mót kl. 17:00. Upphitun kl. 16:30. 38 keppendur frá Sauðárkróki og Blönduósi hafa skráð sig. Bæjarbúar látið nú sjá ykkur á sundmóti muna eftir að klæða sig vel, komið á sundmót og hvetjið unga og efnilega sundkeppendur..ofl

Tindastóll sendi fríðan flokk krakka á Kjarnafæðismót Þórs í minnibolta sem haldið var á laugardaginn var. Mikið fjör var á mótinu og krakkarnir okkar alsælir.