Fréttir

Frestað fjölliðamót hjá 8. flokki stúlkna verður haldið núna um helgina. Mótið átti að fara fram 10. og 11. nóvember en var frestað vegna veðurs.

Þór frá Þorlákshöfn náði fram hefndum eftir bikardramað í Hólminum síðustu helgi með öruggum sigri á Tindastól í kvöld 85-101. Tindastólsmenn byrjuðu leikinn mun betur en Þórsarar náðu að jafna leikinn fyrir hlé og síðan ná heljartaki á leiknum í þriðja leikhluta sem þeir héldu til leiksloka. Fyrsti sigur Þórsara á Tindastól á þessari öld staðreynd og Tindastólsliðið er enn án sigurs í deildinni.

Nú þegar Lengjubikaræðið er runnið af okkar mönnum, eftir glæsilegan sigur, er rétt að snúa athyglinni að Domino's deildinni, en það verða einmitt Þórsarar úr Þorlákshöfn, sem Tindastóll lagði í undanúrslitum Lengjubikarsins, sem mæta í Síkið á fimmtudagskvöldið. Drengjaflokkurinn spilar síðan við sameiginlegt lið Þórs Þ/Hamars strax eftir leikinn, eða um kl. 21.15.

10. flokkur stúlkna og 9. flokkur drengja luku 2. umferð Íslandsmótsins um helgina þegar þeir kepptu annars vegar á Flúðum og hins vegar á Akureyri.

Búið er að draga í bikarkeppni yngri flokkanna, 16-liða úrslitum. Tindastóll sendir lið í 9. 10. 11. drengja- og unglingaflokkum karla. Þór Þ/Hamar mæta okkar liðum í þremur flokkum.

Tindastóll sigrað Snæfell örugglega í úrslitaleik Lengjubikarsins 96-81 og eru því ákaflega verðskuldaðir Lengjubikarmeistarar 2012. Frábært bikarár að baki hjá Tindastól en það er því miður ekkert alltof algengt sem Tindastóll kemst í tvo bikarúrslitaleik á sama árinu. En sá fyrsti er kominn í hús, núna eru bara tveir eftir. Nú skulum við taka vel á móti strákunum þegar þeir koma með bikarinn heim, nefnilega á Mælifelli um kl. 23 í kvöld.ALLIR STUÐNINGSMENN HVATTIR TIL AÐ MÆTA!

Þeir stuðningsmenn sem ekki ætla í Hólminn í dag eru hvattir til að hittast á Mælifelli og horfa þar saman á leikinn sem hefst kl. 16.00

Tindastóll vann frækinn og sanngjarnan sigur á Þórsurum 82-81 á þessu fallega föstudagskvöldi. Leikurinn var jafn og skemmtilegur en Tindastóll var þó með undirtökin mest allan leikinn. Í lokin var leikurinn æsi-æsi-æsi spennandi en okkar menn höfðu það fyrir rest til allrar hamingju. Næsta verkefni, úrslitaleikurinn í Lengjubikarnum 2012.

Það hefur varla farið fram hjá neinum að meistaraflokkur karla hefur unnið sér þátttökurétt í lokakeppni Lengjubikarsins, sem leikin verður á föstudag og laugardag í Stykkishólmi. Tveir yngri flokkar ljúka svo 2. umferð fjölliðamótanna um helgina.

Það voru þrír yngri flokkar sem tóku þátt í 2. umferð Íslandsmótsins um síðustu helgi. Þetta voru 9. flokkur stúlkna, 10. flokkur drengja og 7. flokkur drengja sem lék heima. Leik Tindastóls og Hauka í unglingaflokki var hins vegar frestað.