Fréttir

Veður og færð röskuðu þátttöku yngri flokkanna í Íslandsmótinu um síðustu helgi, þar sem bæði var ófært og vont veður hér á Norðurlandi. Tveir flokkar kláruðu þó sín mót.

Það voru sprækir drengir úr Kópavoginum sem mættu á Sauðárkrók og náðu að stríða heimamönnum heilmikið en höfðu að lokum ekki erindi sem erfiði, leiknum lauk 87 – 77 fyrir heimamenn.

Í dag var dregið í töfluröð fyrir 1. deildina á komandi leiktíð. Fyrsti leikur Tindastóls er heimaleikur en þá kemur lið Leiknir í heimsókn. Síðasti leikur tímabilsins er einnig heimaleikur en þá kemur BÍ/Bolungarvík á Krókinn.

Nóvembermót UFA fer fram í Boganum sunnudaginn 11. nóvember. Á mótinu keppa 23 Skagfirðingar.

Veðrið setur strik í mótahald KKÍ um helgina, því búið er að fresta móti 8. flokks stúlkna sem halda átti hérna um helgina. Þá hefur mótið hjá 8. flokki drengja sem vera átti á Akureyri á morgun laugardag, verið flutt yfir á sunnudag með öðrum tímasetningum.

Max Touloute sem spilaði með Tindastól síðasta sumar og væntanlega flestir Króksarar tóku eftir hefur verið valinn í landslið Haiti. Haiti mun spila leik gegn Grenada eftir helgi og verður áhugavert hvort Max muni spila þann leik. Haiti er númer 57 á styrkleikalista FIFA en þess má til gamans geta að við Íslendingar vermum sæti númer 96 á þeim lista. Knattspyrnudeildin óskar Max til hamingju með þennan árangur.

Nú er önnur umferð fjölliðamótanna að hefjast um næstu helgi og eru það fjórir flokkar sem hefja umferðina. 8. flokkur stúlkna keppir hér heima, stúlknaflokkur í Grafarvogi, 8. flokkur drengja á Akureyri og 11. flokkur drengja í Kópavogi. Þá spilar unglingaflokkur karla við Breiðablik á laugardaginn.

Tindastóll tekur á móti Keflvíkingum í Domino's deildinni Í KVÖLD í Síkinu. Eftir tap í þremur fyrstu leikjunum hafa þeir Suðurnesjamenn unnið tvo leiki í röð, en okkar menn eru enn án sigurs.

Strákarnir í drengjaflokki eru í ágætri stöðu eftir leik sinn við Njarðvík um helgina, sem þeir unnu örugglega 106-88. Þeir hafa nú unnið þrjá leiki en tapað einum og eru í fínni stöðu í sínum riðli.