Fréttir

Vegna þorrablóts leika stelpurnar í Varmahlíð.

Ekki er langt síðan þessi lið mættust og var það hörkuleikur.

Bjarki Már Árnason hefur verið ráðinn þjálfari Tindastóls, skrifað var undir samning í gær

Nettómótið í körfubolta verður haldið i Reykjanesbæ helgina 1.-2. mars n.k. Mótið er fyrir krakka í 3.-6. bekk. Þeir foreldrar sem áhuga hafa á að fara með börnin sín á mótið hafi samband við unglingaráð á netfangið karfa-unglingarad@tindastoll.is sem fyrst. Ljóst er að þjálfarar barnanna komast ekki þar sem þau eiga bæði leiki þessa helgi.

Tindastóll og ÍR mættust í hörku körfuboltaleik í Síkinu í kvöld en um var að ræða undanúrslitaleik í Powerade-bikarkeppni KKÍ. Góð stemning var í Síkinu, fjöldi áhorfenda og fámennur en hávær stuðningsmannahópur Breiðhyltinga kryddaði stemninguna enn frekar. Þegar upp var staðið voru það gestirnir sem reyndust sterkari, sigruðu 79-87, og mæta Grindvíkingum í úrslitaleiknum í Laugardalshöllinni.

Meistaramót Íslands í frjálsíþróttum fór fram í Reykjavík helgina 1.- 2. febrúar. Þóranna Ósk Sigurjónsdóttir varð Íslandsmeistari í hástökki kvenna, stökk 1,66m, sem er jöfnun á skagfirska héraðsmetinu í kvennaflokki. Jóhann Björn Sigurbjörnsson vann silfur í 60m hlaupi og Guðjón Ingimundarson silfur í 60m grindahlaupi.

Það verður boðið uppá flugeldasýningu í Síkinu á morgun og eins gott að fólk mæti og taki þátt í þessu með strákunum.

Tindastóll og lið FSu mættust í Síkinu í kvöld í 12. umferð 1. deildar. Leikurinn varð talsvert meira spennandi en stuðningsmenn Tindastóls hefðu fyrirfram reiknað með og rétt á lokamínútunum sem Stólunum tókst að tryggja sigurinn. Lokatölur voru 93-83.

10.fl. stúlkna tapaði í dag fyrir Keflavík í bikarkeppni 10.flokks, 34-48 og eru þar með úr leik.

Fjölliðamót 8. flokks stúlkna verður í íþróttahúsinu á Króknum á morgun, laugardaginn 1. febrúar. Til leiks mæta lið Snæfells, Fjölnis og KR-b.