"Meistaramót Íslands í frjálsíþróttum 2013", aðalhluti, fer fram á Þórsvelli á Akureyri helgina 27.- 28. júlí. Flest af besta frjálsíþróttafólki landsins mætir til leiks.

„Eldri“ og yngri Skagfirðingar keppa á frjálsíþróttamótum um helgina. „MÍ-öldunga“ stendur yfir á Sauðárkróksvelli, og stór hópur unglinga keppir á „Sumarleikum HSÞ“ að Laugum.

Tveir hlutar "Meistaramóts Íslands í frjálsíþróttum" fara fram á Sauðárkróksvelli helgina 20. - 21. júlí.

Eins og undanfarin ár stendur UMFÍ fyrir frjálsíþróttaskóla á Sauðárkróki. Skólinn stendur nú yfir 22.- 26.júlí, undir stjórn Árna Geirs Sigurbjörnssonar. Skólinn er jafnt fyrir krakka sem hafa stundað frjálsíþróttir, og þau sem viljast kynnast íþróttunum.

Veðurguðirnir skeyttu skapi sínu á Landsmótsgestum á Selfossi um helgina. Í frjálsíþróttakeppninni stóðu Skagfirðingar sig vel að vanda. Fríða Ísabel Friðriksdóttir vann til bronsverðlauna í þrístökki kvenna, og sama gerðu ungu strákarnir í 4x100m boðhlaupi karla.

27. Landsmót UMFÍ verður haldið á Selfossi 4.-7. júlí. Frjálsíþróttakeppnin stendur yfir frá föstudegi til sunnudags og þar keppa 10 Skagfirðingar. Auk keppninnar í frjálsíþróttum, keppir okkar fólk í mörgum öðrum greinum, og skorað er á Skagfirðinga að fjölmenna á Selfoss og hvetja lið UMSS á öllum vígstöðvum um helgina.

Meistaramót Íslands í frjálsíþróttum, fyrir 11 – 14 ára, fór fram í Hafnarfirði helgina 22. – 23. júní. Frá UMSS voru 6 keppendur, sem stóðu sig mjög vel, og unnu þrenn verðlaun á mótinu.

Eins og undanfarin ár rekur UMFÍ frjálsíþróttaskóla á nokkrum stöðum á landinu í sumar í samstarfi við FRÍ. Skólinn, sem ætlaður er ungmennum á aldrinum 11 – 18 ára, verður starfræktur á Sauðárkróki, Laugum í Reykjadal, Egilsstöðum, Borgarnesi og Selfossi á mismunandi tímum í sumar.

"3. Landsmót UMFÍ 50+" verður haldið í Vík í Mýrdal dagana 7.-9. júní í umsjá USVS. Keppt verður í fjölmörgum greinum íþrótta og ýmislegt fleira verður til skemmtunar. Frjálsíþróttakeppnin verður kl. 14-18 á laugardag, og kl. 10-13 á sunnudag.

Frá og með 1. júní verða æfingar Frjálsíþróttadeildar Tindastóls mánudaga til föstudaga kl. 19:00- 21:00.