Fréttir

Aðalfundur Frjálsíþróttadeildar Tindastóls fór fram 25. febrúar. Sigurjón Leifsson var endurkjörinn formaður deildarinnar, eins og Guðrún Ottósdóttir gjaldkeri og Hafdís Ólafsdóttir meðstjórnandi. Eiður Baldursson gekk úr stjórn, og voru honum þökkuð góð störf fyrir deildina. Margrét Arnardóttir kemur inn sem tengiliður við foreldra yngri barna.

Frjálsíþróttakrakkarnir, sem ætla á Gautaborgarleikana í sumar, standa fyrir kleinubakstri og sölu til fjáröflunar fyrir ferðasjóðinn. Gengið verður í hús síðdegis á laugardag og boðnar gómsætar kleinur.

Meistaramót Íslands í frjálsíþróttum, fyrir öldunga, fór fram í Laugardalshöllinni 22.-23. febrúar. Theódór Karlsson UMSS varð fjórfaldur Íslandsmeistari, sigraði í öllum stökkgreinum í flokki 35-39 ára.

Frjálsíþróttadeild Tindastóls heldur aðalfund sinn 25. febrúar í Vallarhúsinu á Sauðárkróksvelli.

Bikarkeppni FRÍ í frjálsíþróttum innanhúss fór fram í Reykjavík laugardaginn 15. febrúar. Baráttan um sigurinn var æsispennandi milli liða Norðlendinga og ÍR-inga.

MÍ í frjálsíþróttum, fyrir 11-14 ára, fór fram í Reykjavík helgina 8.-9. febrúar. Næstum 400 keppendur, frá 19 félögum og samböndum mættu til leiks. Bestum árangri Skagfirðinga náði Guðný Rúna Vésteinsdóttir sem varð í 3. sæti í kúluvarpi 12 ára stúlkna.

Meistaramót Íslands í frjálsíþróttum fór fram í Reykjavík helgina 1.- 2. febrúar. Þóranna Ósk Sigurjónsdóttir varð Íslandsmeistari í hástökki kvenna, stökk 1,66m, sem er jöfnun á skagfirska héraðsmetinu í kvennaflokki. Jóhann Björn Sigurbjörnsson vann silfur í 60m hlaupi og Guðjón Ingimundarson silfur í 60m grindahlaupi.

Jóhann Björn Sigurbjörnsson, spretthlaupari úr Tindastól, heldur áfram að bæta árangur sinn. Nú sigraði hann glæsilega í 60 m hlaupi á Reykjavíkurleikunum og náði besta tíma Íslendings í 5 ár.

Meistaramót Íslands í frjálsíþróttum, fyrir 15-22 ára, fór fram í Reykjavík 11.-12. janúar. ÍR-ingar áttu langfjölmennasta liðið og sigruðu með yfirburðum í stigakeppninni. Skagfirðingar stóðu sig vel að vanda.

Frjálsíþróttadeild Tindastóls óskar íþróttafólki sínu, fjölskyldum þeirra og Skagfirðingum öllum, gæfu og gengis á nýju ári. Kærar þakkir til ykkar fyrir gott starf og stuðning á gamla árinu.