Fótboltafréttir

Tindastóll tapaði í kvöld gegn BI/Bol á Ísafirði, lokatölur 2-0. Fyrsta markið kom eftir hornspyrnu en þær ætla að reynast okkur erfiðar í sumar. Seinna markið kemur eftir að við missum boltann klaufalega og þeir refsa okkur. Næsti leikur er heimaleikur gegn Leikni. Nú bara að rífa sig upp og gera betur næst.

Annar heimaleikur tímabilsins var í gær og unnu strákarnir glæsilegan 2-1 sigur á liðinu í 2.sæti deildarinnar. Fín stemmning myndaðist í stúkunni og áhorfendur skemmtu sér konunglega í rigningunni í gær. Næsti heimaleikur er um helgina þegar Leiknismenn koma í heimsókn. En sá leikur verður auglýstur síðar.

10.umferð 1.deildar fer fram í dag. Haukar úr Hafnafirði koma í heimsókn á Sauðárkróksvöll. Leikurinn hefst kl:19:15 og vonumst við eftir að sjá sem flesta á vellinum og hvetja okkar stráka áfram. Mætum rétt búin og skemmtum okkur á vellinum í kvöld. Áfram Tindastóll

Tindastóll mætti Víking á föstudaginn síðasta. Um var að ræða leik í 9.umferð 1.deildar. Niðurstaða leiksins var 1-1 jafntefli þar sem Elvar Páll Sigurðsson skoraði fyrir okkar menn eftir góða uppbyggingu frá Edda og Beattie. Eftir leikinn eru okkar menn með 8.stig í þriðja neðsta sæti. Næsti leikur er heimaleikur gegn Haukum á föstudaginn

Tindastólsstúlkur mættu á Hertz völlinn 3. júlí síðastliðinn og tóku þaðan með sér 3 stig og 6 mörk.

Landsbankamótið er á enda og þökkum við gestum og þeim fjölmörgu sem komu að mótinu og gerðu þetta að veruleika. Mótið tókst mjög vel og flestir fóru glaðir heim frá Sauðárkróki. Úrslit mótsins eru eftirfarandi:

Loksins kom að því að spilað var á aðalvellinum. Aðalvöllurinn var eins og flestir hafa tekið eftir, verst farni völlur landsins eftir síðasta vetur. Miðjuvellirnir lítið skárri og aðstaðan þessa fyrstu tvö mánuði tímabilsins verið til háborinnar skammar. En í stuttu máli endaði leikurinn í gær 2-2 þar sem Steven Beattie skoraði tvö úr vítaspyrnum.

Tindastólsstelpur spiluðu við Fram á heimavelli og mættu svo Haukum á útivelli. Næsti leikur er á móti Álftanesi miðvikudaginn 26. júní kl. 19:00 á Sauðárkróksvelli.

Boðuð eru: Aðalstjórn knattspyrnudeildar, Barna- og unglingaráð, foreldraráð, fulltrúar m.fl. ráða karla og kvenna.