Foreldraæfing vel sótt

Frá foreldraæfingu. Mynd Einar Örn Hreinsson.

Júdódeildin stendur fyrir foreldraæfingu á hverri önn þar sem foreldrar, systkini og vinir fá tækifæri á því að æfa með iðkendum.

Það var gaman að sjá foreldra, systkini og vini fjölmenna á æfingu með iðkendum í kvöld og sumir voru að prófa júdó í fyrsta sinn! Þetta er æfing sem flestir iðkendur hlakka til á hverri önn og örugglega margir gestir. Þetta sýnir vel hvað júdó er góð fjölskylduíþrótt, þar sem munur í aldri, styrk, stærð og getu kemur ekki í veg fyrir að allir geti haft gagn og gaman að því að kljást í glímu jafnt sem leikjum.