Jóhann Björn og Ísak Óli keppa á Smáþjóðaleikunum

Jóhann Björn og Ísak Óli
Jóhann Björn og Ísak Óli

 

Íþrótta- og afreksnefnd FRÍ hefur valið landslið Íslands í frjálsíþróttum til keppni á Smáþjóðaleikunum, sem fram fara í Svartfjallalandi 27. maí til 1. júní. Í liðinu eru 22 íþróttamenn, 13 konur og 9 karlar. Tveir Skagfirðingar eru í liðinu, Ísak Óli Traustason, sem keppir í 110m grindahlaupi, langstökki og boðhlaupi, og Jóhann Björn Sigurbjörnsson, sem keppir í 100m og 200m hlaupum og boðhlaupi. Sigurður Arnar Björnsson þjálfari Frjálsíþróttadeildar Tindastóls er í þjálfarateymi liðsins.

Á Smáþjóðaleikunum eiga keppnisrétt Evrópuþjóðir með íbúatölu undir einni milljón. Leikarnir hafa verið haldnir annað hvert ár frá 1985.

HÉR má sjá íslenska landsliðið í frjálsíþróttum.

HÉR má sjá Heimasíðu Smáþjóðaleikanna í Svartfjallalandi 2019.