Norðurlandamótið í frjálsíþróttum ih. 11. febrúar

 

Norðurlandameistaramótið í frjálsíþróttum innanhúss fór fram í Uppsölum í Svíþjóð sunnudaginn 11. febrúar.

Íslendingar og Danir sendu sameiginlegt lið til keppni og voru 11 Íslendingar í liðinu.

Meðal keppenda í ÍSL/DAN-liðinu var Þóranna Ósk Sigurjónsdóttir UMSS, sem keppti í hástökki kvenna.  Þóranna stóð sig vel, stökk 1,73m, sem er nálægt hennar besta, og varð í 7. sæti. 

Endanleg röð liðanna varð sú sama í kvenna- og karlaflokkum:  1. Svíþjóð, 2. Finnland, 3. Noregur, 4. Ísland/Danmörk.

Sigurður Arnar Björnsson þjálfari Frjálsíþróttadeildar Tindastóls var í þjálfarateymi íslenska liðsins.

HÉR má sjá heimasíðu mótsins.