1.deild karla 5.júní á Akureyri Heimamenn í KA sigruðu Tindastól örugglega 4-0 á KA-velli í kvöld. Leikurinn var mikil skemmtun og var mikill hiti í leiknum. Þar sem sjö gul og eitt rautt litu dagsins ljós. KA menn voru ekki lengi að komast yfir í leiknum. Strax á 8.mínútu fékk Stefán Þór Pálsson boltann í vítateignum og skaut föstu skoti uppi í þaknetið og staðan því 1-0 fyrir KA. Þetta var fyrsta mark Stefáns fyrir KA en hann er í láni frá Breiðabliki. Á 20 mínútu varð svo umdeilt atvik. Stefán Þór Pálsson var að sleppa í gegn þegar Kári Eiríksson tók hann niður. Hann slapp með gult en það má deila um hvort rautt spjald hefði verið réttur dómur. Aðeins 10 mínútum síðar fékk Kári Eiríksson sitt annað gula spjald og þurftu gestirnir að leika manni færri í 60 mínútur. KA menn héldu áfram að sækja en náðu ekki að bæta við marki í fyrri hálfleik og staðan því 1-0 þegar flautað var til leikhlés. Heimamenn héldu svo áfram að sækja og á 64.mínútu kom annað mark þeirra. Hallgrímur Mar skoraði þá eftir mistök í vörn gestanna. Tveimur mínútum síðar fengu heimamenn svo víti þar sem Hallgrímur Mar var aftur á ferðinni og skoraði. Staðan því orðinn 3-0 fyrir heimamenn. Úlfar Valsson skoraði svo seinasta mark heimamanna með skalla eftir góðan undirbúning frá Hallgrími Mar, en þetta var fyrsti leikur hans fyrir KA. Lokatölur 4-0 og sannfærandi sigur heimamanna staðreynd. Eftir leikinn er KA í 8.sæti með þrjú stig en Tindastóll í því neðsta með tvö stig. ( fotbolti.net )

Fimm leikmenn okkar hafa skrifað undir samningvið knattspyrnudeildina. Þetta eru þeir Fannar Freyr Gíslason, Óskar Smári Haraldsson,Ivar Guðlaugur Ívarsson, Kirstinn J. Snjólfsson og Björn Anton Guðmundsson. Það var Snorri Geir Snorrason formaður m.fl. ráðs karla sem skrifaði undir f.h. deildarinnar.

Á föstudaginn kl. 19:00 hefst úrslitaleikur lengjubikars í C deild kvenna. Þareigast við KR og Tindastóll. Leikurinn verður leikinn á KR velli, hvernig sem á því stendur...

Markvörðurinn tvítugi Anton Ari Einarsson hefur gengið í raðir Tindastóls í 1. deildinni en hann kemur á lánssamningi frá Val. Anton gekk nýlega í raðir Vals frá Aftureldingu þar sem hann var aðalmarkvörður í fyrra. Fyrr í vetur var hann á Englandi í nokkrar vikur þar sem hann æfði með bæði Manchester City og Bolton Wanderers. Sebastian Furness sem upphaflega átti að verja mark Tindastóls í 1. deildinni í sumar en hann kom ekki til landsins af persónulegum ástæðum. Tindastóli er spáð neðsta sæti í 1. deild en liðið leikur gegn BÍ/Bolungarvík í fyrstu umferð á laugardag.

Mark Magee, 24 ára gamall enskur sóknar- og miðvallarleikmaður hefur gengið í raðir Tindastóls. Magee lék með u16 og u18 ára liðum Bristol City en fór til Bandaríkjanna árið 2010 þar sem hann lék með Rockhurst háskólanum. Magee kemur til Íslands í lok apríl.

Frá knattspyrnudeild Tindastóls Tindastóll hefur fengið til sín Jose Figura, 21 árs gamlan enskan leikmann sem lék með Redbridge háskólanum frá 2009 – 2011. Jose Figura er miðvallarleikmaður og mun koma til landsins í lok aprílmánaðar.

M.fl. karla lék tvo leiki um helgina og báða á Akureyri. Fyrri leikurinn var við Dalvík/Reyni og tapaðist hann 1-2. Seinni leikurinn var við Völsung og endaði hann með jafntefli 2 - 2

Markvörðurinn Sebastian Furness mun ekki leika með liði Tindastóls í 1.deildinni í sumar. Alvarleg veikindi í fjölskyldu hans gera það að verkum að hann mun ekki koma til landsins en Tindastóll hafði samið við hann um að leika með liðinu þriðja árið í röð. Sebastian var fyrirliði liðsins á síðasta ári enda frábær einstaklingur í alla staði. Í vetur var hann ráðinn aðstoðarþjálfari liðsins fyrir komandi tímabil og miklar vonir og væntingar bundnar við þennan góð liðsmann og félaga. Nú hafa því miður orðið breytingar og ljóst að hann mun ekki leika með liðinu í ár. Hugur leikmanna og stuðningsmanna Tindastóls er hjá fjölskyldu hans.

Markvörðurinn Sebastian Furness mun ekki leika með liði Tindastóls í 1.deildinni í sumar. Alvarleg veikindi í fjölskyldu hans gera það að verkum að hann mun ekki koma til landsins en Tindastóll hafði samið við hann um að leika með liðinu þriðja árið í röð. Sebastian var fyrirliði liðsins á síðasta ári enda frábær einstaklingur í alla staði. Í vetur var hann ráðinn aðstoðarþjálfari liðsins fyrir komandi tímabil og miklar vonir og væntingar bundnar við þennan góð liðsmann og félaga. Nú hafa því miður orðið breytingar og ljóst að hann mun ekki leika með liðinu í ár. Hugur leikmanna og stuðningsmanna Tindastóls er hjá fjölskyldu hans.

Tindastóll gerir samstarfssamning við Elche á Spáni. Fjórir leikmenn úr herbúðum Spánska liðsins Elche munu leika með Tindastóli í sumar. Tindastóll sem hefur orðið fyrir nokkurri blóðtöku á síðustu mánuðum hefur samið við Elche á Spáni um lán á leikmönnum í sumar, en liðið leikur í efstu deild þar í landi. Fulltrúi Tindastóls er staddur á Spáni en þar voru samningar undirritaðir í gær. Þessir leikmenn sem um ræðir ættu að styrkja leikmannahóp Tindastóls verulega en allir leikmennirnir koma upp úr miðjum apríl til landsins. Þeir hafa spilað með varaliði félagsins og einnig verið á leikskýrslu hjá félaginu í efstu deild. Leikmennirnir eru Juan Davis og Diego Alejandroo sem eru báðir miðvallarspilarar og svo José Emmanuel og Alex Esteban sem eru hinsvegar sterkir sóknarmenn. Tindastóll mun senda tvo leikmenn erlendis á hverju hausti sem fá að æfa með félaginu en þetta er liður í samstarfi félaganna.