ULM 2019 á Höfn í Hornafirði.

Skagfirðingar á ULM 2017 á Egilsstöðum. (M: UMSS)
Skagfirðingar á ULM 2017 á Egilsstöðum. (M: UMSS)

 

22. Unglingalandsmót UMFÍ var haldið á Höfn í Hornafirði um verslunarmannahelgina 1.- 4. ágúst.

Mótið er vímulaus fjölskylduhátíð, þar sem börn og ungmenni á aldrinum 11-18 ára reyna með sér í fjölmörgum íþróttagreinum, en samhliða er boðið upp á fjölbreytta afþreyingu fyrir alla fjölskylduna.

Í setningarræðu sinni á mótinu tilkynnti Haukur Valtýsson formaður UMFÍ hvar næstu Unglingalandsmót verða haldin. ULM 2020 verður á Selfossi, ULM 2021 á Sauðárkróki og ULM 2022 í Borgarnesi. Unglingalandsmót hafa áður verið haldin þrívegis á Sauðárkróki, 2014, 2009 og 2004.

Nánari upplýsingar um ULM 2019 má sjá HÉR !

Keppni í frjálsíþróttum skipar stóran sess í mótshaldinu og sjá má úrslit frjálsíþróttakeppninnar HÉR !

Skagfirðingar unnu til fernra verðlauna í frjálsíþróttum nú. Indriði Ægir Þórarinsson varð landsmótsmeistari í spjótkasti 15 ára, Óskar Aron Stefánsson vann brons í spjótkasti og hástökki 15 ára, og Magnea Ósk Indriðadóttir brons í 60m hlaupi 12 ára.