Tindastóll gerði góða ferð á Selfoss í dag þar sem liðið lék við Árborg sem hefur farið mikinn í 3. deildinni í sumar. Þetta var fyrri viðureign liðanna í undanúrslitum 3. deildarinnar og fer síðari leikurinn fram á Sauðárkróksvelli næstkomandi miðvikudag kl. 17:15. Og úrslitin? Jú, 3-0 fyrir Tindastól.
Tindastóll sigraði Magna á Sauðárkróksvelli í kvöld með einu marki gegn engu og tryggði sér sæti í fjögurra liða úrslitum. Það var Kristinn Aron Hjartarson sem skoraði markið.
