Tindastóll lék í dag við lið BÍ/Bolungarvíkur í 1.deildinni og var leikurinn á Ísafirði.  Liðið fór vestur í gær og strákarnir voru svo sannarlega tilbúnir í verkefnið því þeir voru mun betra liðið og sigruðu 2-5.

Aðstæður voru skelfilegar á Ísafirði rok og rigning og völlurinn afar erfiður.  Okkar leikmenn léku á móti sterkum vindi í fyrri hálfleik en tóku öll völd á vellinum strax í upphafi.  Max Touloute skoraði fyrsta mark okkar á 27. mín og síðan skoraði Theo á 33. mín. og staðan orðin 0-2.  Þannig var staðan í hálfleik.

Áfram hélt dansinn í seinni hálfleik og Theo skoraði gott mark en dómari leiksins skráði það sem sjálfsmark, sem var arfavitlaust. 

Theo var síðan aftur á ferðinni og  kom með fjórða markið á 68. mín og þar  með sitt þriðja mark í leiknum.

Atli Arnarson skoraði síðasta mark leiksins og innsiglaði góðan sigur.

Tvö rauð spjöld litu dagsins ljós, eitt hjá heimamönnum og síðan Theodore Furness í okkar liði.

Frábær sigur og fyrstu stigin í höfn hjá okkur.  Það er óhætt að taka ofan fyrir öllum leikmönnum okkar fyrir vinnuframlag sitt í leiknum.  Leikmenn börðust vel og spiluðu skynsamlega við þessar erfiðu aðstæður.