Króksamótið 12.1.2013

Leikjaniðurröðun í EXCEL - athugið að fletta upp, því skjalið opnast á miðjuskjalinu af þremur

Leikjaniðurröðun í PDF

Körfuknattleiksdeild Tindastóls stendur fyrir sínu öðru Króksamóti í minnibolta, laugardaginn 12. janúar 2013. Þetta er körfuboltamót fyrir krakka frá 6 – 11 ára og er dagsmót á þægilegum tíma. Fyrir þá sem koma lengra að, verður hægt að fá gistingu í Árskóla við íþróttahúsið.

Króksamótið var fyrst haldið á 2010 og var afar skemmtilegt og vel sótt, en um 140 krakkar frá Akureyri, Skagaströnd, Hvammstanga og Sauðárkróki tóku þátt. Markmiðið með mótinu er að höfða til krakka á smærri stöðum á svæðinu frá Borgarnesi og austur á land.

Áherslan er lögð á skemmtun og fjör, en úrslitin eru algjört aukaatriði og engin stig talin. Þátttökugjaldið er aðeins kr. 1500 og fá allir minjagrip til eignar og máltíð að mótinu loknu. Áætlað er aðmótið standi frá kl. 10-18, en það fer eftir þátttöku og fjölda leikja.

Króksamótið er tilvalin leið fyrir íþróttakennara að ljúka körfuboltakennslutímabili með þátttöku í skemmtilegu móti sem allir krakkar hafa gaman af. Einnig er mótið tilvalin leið til að hefja uppbyggingukörfuboltastarfs til framtíðar litið.

Leikirnir eru dæmdir af krökkum í 10. bekk og upp úr og leikmenn meistaraflokks koma í heimsókn. Sérstaka athygli vakti troðslusýning erlendu leikmanna Tindastóls á síðasta móti, en vonir eru bundnar við að hægt verði að setja slíkt upp aftur nú, enda háloftafuglar á leiðinni á Krókinn í haust.

Körfuboltadeild 1 :: 09. maí 2013 kl. 13:09 Lokahóf meistaraflokks á laugardaginn Skráning hjá Óla Birni Lokahóf meistaraflokks Tindastóls í körfuknattleik verður haldið á Mælifelli á laugardaginn kemur. Skráning á hófið er hjá Óla Birni í síma 825 4628. :: meira

Körfuboltadeild 1 :: 08. maí 2013 kl. 15:14 Hægt að fylgjast með Guðlaugu og Pétri í Sviþjóð Hægt er að fylgjast með leikjum íslensku landsliðanna á NM í Sviþjóð í live statti þeirra Svía. :: meira

Körfuboltadeild 1 :: 08. maí 2013 kl. 09:10 Uppskeruhátíð yngri flokka haldin í gær Keppnistímabilinu formlega lokið Uppskeruhátíð yngri flokkanna var haldin í gær í íþróttahúsinu. Ágætlega var mætt af iðkendum og foreldrum og eftir afhendingu viðurkenninga var boðið upp á pylsur sem runnu ljúflega ofan í mannskapinn. :: meira

Körfuboltadeild 1 :: 07. maí 2013 kl. 08:14 Uppskeruhátíð yngri flokka á þriðjudaginn Unglingaráð heldur uppskeruhátíð yngri flokkanna í íþrótthúsinu, þriðjudaginn 7. maí, kl. 17.00. Á dagskrá verða hefðbundnar viðurkenningaafhendingar og veitingar. Foreldrar boðnir sérstaklega velkomnir. :: meira