Axel okkar Kárason var valinn í úrtakshóp A-landsliðs karla og sótti sínar fyrstu æfingar um daginn þegar hópurinn var kallaður saman.

Axel sagði í samtali við heimasíðuna að honum hefði litist vel á hópinn og þjálfarann og tempóið á æfingunum hafi verið frábært og óvenju hátt miðað við æfingar á þessum árstíma.

A-landsliðið býr sig undir landsleikjahrinu núna í ágúst og september, þar sem liðið mun spila fjölmarga leiki heima og erlendis.

Axel skartaði að sjálfsögðu Tindastólsæfingatreyju eins og myndin hér til hliðar sýnir og sannast það hið fornkveðna, að römm er sú taug.