Körfuknattleiksdeildin hyggst halda utan um þátttöku þeirra sem vilja taka þátt í körfuboltakeppni á Unglingalandsmótinu í Borgarnesi um verslunarmannahelgina.

Þeir sem áhuga hafa á að skrá sig til leiks í körfunni geta tekið saman nafnalista og komið á Halla þjálfara, til Eiríks Loftssonar formanns unglingaráðs eða Kalla Jóns. Þátttökugjaldið er kr. 6000 en fari skráningin fram í gegn um UMSS, niðurgreiðir sambandið gjaldið til helminga. Því verður kostnaðurinn aðeins kr. 3000.

Um leið og ljóst verður með þátttökuna mun unglingaráð finna liðsstjóra með liðunum. Einnig er bent á að hægt er að skrá sig til leiks sem einstaklinga og er þá viðkomandi komið í einhver lið sem eru að keppa.

Athygli er vakin á því að keppendur eiga að vera í fylgd með forráðamönnum, unglingaráð stendur ekki fyrir skipulegum ferðum á mótið.