Skíðasvæðið var opnað annan janúar og var ágætis aðsókn að svæðinu þangað til við þurftum að loka þann 17 jan. þá fór í hönd mikil barátta hjá okkur félögum hér á skíðasvæðinu við börðumst í Því að framleiða snjó og gekk það ágætlega.

Við gátum opnað aftur þann 17 feb og kættust menn þá verulega en við lærðum mikið af þessum vetri, það er klárt að við þurfum að framleiða snjó í fyrstu frostum í haust.

Skíðasvæðið var opið í 60 daga og gestafjöldi var 4732 sem fóru í gegnum hliðið hjá okkur en gönguskíðamenn eru ekki taldir með í þessari tölu en það er spurning hvort við eigum að setja upp hlið fyrir göngumenn einnig. Það þarf að gera átak í því að koma fólki á gönguskíði, hér eru allar aðstæður fyrir hendi góð göngubraut sem er upplýst þannig að svæðið getur tekið við miklum fjölda gesta.

Það er alltaf ánægjulegt að sjá ný andlit í fjallinu en einnig gaman að sjá þá sem halda tryggð við fjallið og koma dag eftir dag.

Skíðadeild Tindastóls vill þakka öllum þeim fjölmörgu aðilum bæði einstaklingum og fyrirtækjum sem styrktu svæðið í vetur og vonar að við getum leitað á náðir ykkar aftur.

Skíðadeild Tindastóls hefur nú rekið skíðasvæði í tíu ár og er samningur sem gerður var við sveitarfélagið að renna út þessa daga en við gerum okkur vonir til að skíðasvæðið verði rekið áfram annað hvort af sveitarfélaginu eða skíðadeildinni, það skýrist á næstu dögum.

Viggó og  Bjarni þökka öllum gestum okkar fyrir ánægjulegt samstarf í vetur og vonumst til að sjá ykkur öll hress  og kát í haust.