Vetrarstarfi Skíðadeildar Tindastóll formlega lokið með glæsilegu lokahófi á Skagaströnd.
Það var virkilega flottur og góður hópur sem fór heim klifjaður verðlaunum og viðurkenningum fyrir afrakstur vetrarins.

Fimtudaginn 29. apríl var vetrarstarfi Skíðadeildar Tindastóll formlega lokið.
Það var haldið á Skagaströnd að þessu sinni, byrjað var á því að hittast við félagsheimillið og svo var farið í skoðunarferð um bæinn. Þar næst varið farið í mat, grillaðar pylsur og læri með tilheyrandi meðlæti. Þegar við vorum búin með desertin (köku hlaðborð) þá hóst verðlaunaafhending.

Þarna voru afhent verðlaun fyrir svig keppni í Bakarísimóti og afhent 13 verðlaun sem við unnum á Reykjavíkurmóti sem haldið var á dögunum í Tindastól. Síðan voru að sjálfsögðu afhent verðlaun fyrir innanfélagsmótið. Síðast en ekki síst þá voru afreksbikararnir afhentir, en þá fá þeir sem hafa sýnt bestu ástundun, eru efnilegastir, sýnt mestu framfarirnar og svo er besti skíðamaðurinn valinn.

Það er óhætt að segja að sjaldan eða aldrei hefur skíðaslúttið verið eins flott og núna  og krakkarnir búnir að standa sig gríðalega vel í vetur. Björgvin Björgvinsson sem er besti skíðamaður lansins kom og afhenti afreksbikarana. Það var virkilega flottur og góður hópur sem fór heim klifjaður verðlaunum og viðurkenningum fyrir afrakstur vetrarins.

Okkur er strax farið að hlakka til starfsins á næsa vetur, en þá komum við til með að opna með látum og halda svera afmælisveislu í fjallinu.