Pistlar

Orðsending til stuðningsmanna

Hugleiðingar eftir sex umferðir í IE deildinni.

Erum við ekki í keppni?

Pistill eftir Svein Brynjar Pálmason.

Íþróttasvæðið á Sauðárkróki

pistill frá formanni Tindastóls

Fyrir tæpu ári síðan kynntum við framtíðarsýn okkar þar sem við hugsuðum um fjölnotahús, sundlauga- og skemmtigarð, aðstöðu fyrir íþróttir og hreyfingu og þjónustu þeim tengd.  Hugmyndirnar gengu út frá því að menningarhús yrði reist á Flæðunum við hlið sundlaugarinnar.  Okkar hugmyndir gerðu tilraun til að tengja Flæðarnar  við skólasvæðið.

Í vor komu á fund aðalstjórnar fulltrúar Sveitarfélagsins Skagafjarðar.  Þeir kynntu okkur hugmyndir um að menningarhús yrði tengt Árskóla og byggt á syðsta vellinum á íþróttasvæðinu.  Þeir óskuðu eftir viðbrögðum og tillögum frá okkur í framhaldi af þessari kynningu.  Í sumar höfum við skoðað málið og ákváðum að skynsamlegt væri að skoða málið í heild alveg frá byrjun og skoða hvernig við sjáum íþróttasvæðið í framtíðinni.

Meðfylgjandi mynd er niðurstaðan okkar.  Við tilgreinum ákveðin svæði fyrir æfingasvæði, keppnissvæði og byggingarreiti.  Okkur fannst eðlilegt að horfa á skólasvæðið og umferð í þessu sambandi.  Nánari skýringar á myndinni eru;

·         Byggingarreitur fyrir íþróttahús er nægjanlega stór til að koma fyrir fjölnotahúsi með knattspyrnuvelli í fullri stærð ásamt hlaupa- og stökkbrautum.

·         Byggingarreitur fyrir sundlaug hýsir bæði keppnis- og kennslulaug ásamt sundlauga- og skemmtigarði.  Á þessu svæði sjáum við fyrir okkur þjónustu við golfvöll og tjaldstæði. 

·         Búningsklefa má samnýta með íþróttahúsum sem gerir okkur kleift að nýta hluta af aðstöðunni í gamla íþróttahúsinu eingöngu fyrir Árskóla. 

·         Ytri völlur á núverandi æfingasvæði verði stækkaður í löglega keppnisstærð og gert ráð fyrir að hann geti orðið gervigrasvöllur í framtíðinni.

·         Nýtt æfingasvæði verði gert á Nöfunum fyrir ofan byggingarreit fyrir sundlaugina.  Þetta svæði verði nógu stórt til að hafa sex knattspyrnuvelli í fullri stærð.  Svæðið ætti því að duga félaginu sem framtíðarsvæði til æfinga og mótahalds.

·         Nýtt tjaldstæði getur verið bæði í Grænuklauf og við Sauðárgil. 

·         Golfvöllur getur náð suður að nýja æfingasvæðinu og niður að Nöfunum.

·         Ný akstursleið frá Hlíðarhverfi niður á Skagfirðingabraut.  Leiðin liggur í stokk undir fjölnotahús og menningarhús og tengist hringtorgi á Skagfirðingabraut.  Þetta gefur okkur möguleika á að endurskoða alveg umferðarmálin í kring um skólabyggingarnar og breyta núverandi bílastæði við Íþróttahús í leiksvæði fyrir börnin í Árskóla.

Við sjáum fyrir okkur að jarðvegurinn sem fjarlægja þarf úr Nöfunum verði nýttur í nýjan veg, jöfnunar á æfingasvæði og til að mynda landslag á Nöfunum til skjóls og skrauts.  Tilvalið væri að hefja strax plöntun skjólgróðurs miðað við þetta skipulag.

Okkur þætti vænt um að heyra frá almenningi, svo endilega sendið okkur ykkar skoðanir í tölvupóst á netfangið tindastoll@tindastoll.is.

Hér er hægt að nálgast teikningu á pdf formi.

Fyrir hönd aðalstjórnar UMF Tindastóls

Gunnar Þór Gestson, Formaður

Íþróttahúsið á Sauðárkróki, Tindastóll : KR 96:94

Pistill frá fastagesti.

Aðalfundur Tindastóls 21. febrúar

Vel hepnuðum fundi lokið

Tindastóll - Fjölnir.

Pistill frá fastagesti.

Tindastóll - Hamar.

Tindastóll : Keflavík.

Pistill frá fastagesti.

Frjálsíþróttir í Skagafirði 2006-2007

Í þessum pistli verður stiklað á stóru yfir helstu viðburði í frjálsíþróttalífi Skagfirðinga á keppnistímabilinu 2006-2007.

Frjálsíþróttalið UMSS er afar ungt að árum, en íþróttafólkið er iðið við æfingar og kappsfullt í keppni, enda eru framfarir miklar.  Flestir æfa hjá UMF Tindastól, undir stjórn Gunnars Sigurðssonar, þar hefur orðið mikil fjölgun í haust og telur hópurinn nú nálægt 80 iðkendur.

Meistaramót Íslands, í öllum aldursflokkum, gáfu af sér 7 gull, 17 silfur og 6 brons.

Íslandsmeistarar urðu:

Íslandsmet, sem Skagfirðingar settu á keppnistímabilinu, voru fimm talsins. 

Landsmót UMFÍ var haldið í Kópavogi 5.- 8. júlí.

Lið UMSS, sem skipað var 9 keppendum, hafnaði í 8. sæti af 20 keppnisliðum, 1 gull vannst, 2 silfur og 3 brons, en Gauti Ásbjörnsson varð Landsmótsmeistari í stangarstökki. 

Unglingalandsmót UMFÍ var haldið á Hornafirði um verslunarmannahelgina.

14 þátttakendur voru frá UMSS og unnu þau 1 gull, 2 silfur og 5 brons, en Linda Björk Valbjörnsdóttir varð Unglingalandsmótsmeistari í 100m hlaupi (15-16).

Landslið Íslands keppti í 2. deild Evrópubikarkeppninnar í Odense í Danmörku í júní.

Í liðinu voru 3 Skagfirðingar, Linda Björk Valbjörnsdóttir sem þreytti frumraun sína með landsliðinu, Gauti Ásbjörnsson og Ragnar Frosti Frostason.  Öll hafa þau nú verið valin í landsliðshóp FRÍ fyrir 2008.

Norðurlandameistaramót unglinga, 19 ára og yngri, fór fram í Esbjerg í Danmörku í september.

Linda Björk Valbjörnsdóttir var valin til keppni þar í sameiginlegu liði Íslendinga og Dana.

Bikarkeppni FRÍ, 2. deild, fór fram um miðjan september.  Þar kepptu lið UMSS og sameiginlegt lið Akureyringa og Eyfirðinga um sæti í 1. deild á næsta ári.  Leikar fóru svo að Skagfirðingar sigruðu, hlutu 41 stig gegn 36 stigum keppinautanna, og unnu því aftur sæti í efstu deild.

Bikarkeppni unglinga, 16 ára og yngri, fór fram í septemberbyrjun.

Lið UMSS hafnaði í 5. sæti af 13 liðum.

Heimsleikar unglinga í Gautaborg voru haldnir í júlí.  Þangað fór hópur úr Skagafirði með 13 keppendum.  Það var auðvitað hið mesta ævintýri fyrir krakkana að keppa á þessu stórmóti með um 3000 keppendum.  Margir bættu árangur sinn verulega, en auk keppninnar, var þessi ferð hin besta skemmtun.

Úrvalshópur unglinga FRÍ, sem unglingalandsliðsþjálfari FRÍ velur, er vettvangur fyrir þjálfarann til að hafa áhrif til eflingar á þjálfun efnilegustu unglinga landsins.  Nú eru 3 Skagfirðingar í hópnum, Árni Rúnar Hrólfsson, Halldór Örn Kristjánsson og Linda Björk Valbjörnsdóttir.

Afrekshópur unglinga FRÍ er fámennur hópur þeirra unglinga sem að dómi unglingalandsliðsþjálfarans eiga möguleika til að komast í allra fremstu röð í heiminum í frjálsíþróttum.  Í hópnum nú er Linda Björk.

Mótahald í Skagafirði var fjölbreytt að vanda.  Stærstu verkefnin í sumar voru MÍ-aðalhluti og Bikarkeppni FRÍ, 2. deild, sem fram fóru á Sauðárkróksvelli.  Önnur stór mót voru Grunnskólamót innanhúss og utan, Landsbankahlaup, Vormót UMSS, Fimmtarþrautarmót UMSS og Norðurlandsleikar unglinga.  Framkvæmd mótanna krefst mikillar vinnu, en hér í Skagafirði er stór hópur af reyndu og duglegu fólki, sem ávallt er tilbúið til starfa þegar eftir er leitað, þessu fólki eru færðar kærar þakkir.

(ÁK)

Unglingaráð körfuknattleiksdeildar tekið til starfa