Skíðadeild Tindastóls gengur nú í hús á Sauðárkróki og býður íbúum að gerast félagsmenn í Tindastóli. Bent er á að það er val félagsmanna hvort þeir greiði árgjald eða ekki. Árgjald félagsins er kr. 2.500, sem nýtt er í afrekssjóð félagsins. Afrekssjóður er m.a. nýttur til að styrkja efnilega leikmenn í æfingabúðir ofl. Úthlutunarreglur úr lottósjóði ÍSÍ taka mið af fjölda félagsmanna og iðkendafjölda í félögum og skiptir það því miklu máli fyrir félagið að hafa sem flesta félagsmenn. Foreldrar eru því hvattir til þess að skrá bæði sig og börn sín sem félagsmenn. Við viljum benda á að þótt barn sé skráð iðkandi hjá félaginu þá er það ekki félagsmaður fyrr en búið er að skrá það. Um leið býðst ykkur N1 kortið sem veitir ykkur afslátt af eldsneyti og vörum hjá N1. Að auki fer hluti af hverjum eldsneytislítra til Tindastóls. Ef þið eruð nú þegar með N1 kortið en viljið að Tindastóll njóti góðs af því er hægt að tengja það við hópanúmer Tindastóls 414 Aðalstjórn Tindastóls hvetur alla íbúa Sauðárkróks og nágrennis að gerast félagsmenn í Tindastóli