Tindastóll skoraði aftur jöfnunarmark í uppbótartíma og tryggði sér dýrmætt stig í neðrihluta deildarinnar. Fjölnir búnir að vera á mikilli siglingu undanfarið og voru 2-0 undir þegar þrjár mínutur voru eftir. Chris Tsonis minkaði munin og Steven Beattie jafnaði metin úr vítaspyrnu þegar fimm mínutur voru komnar fram yfir venjulegan leiktíma.

Erfitt að finna betri afþreyingu á Króknum en að fara á fótboltaleik þegar okkar strákar í Tindastól spila svona flottan bolta. Nýtum sumarið og hittumst og skemmtum okkur hjá frábærlega flottu liði Tindastóls. Góður 3-0 sigur í gær

Búið er að færa leikinn til fimmtudags og byrjar hann klukkan 18:00. Mikilvægur leikur hjá strákunum og vonumst við eftir að sjá sem flesta styðja strákana í leiknum. Þróttur er í 10.sæti deildarinnar en okkar strákar eru í 9.sæti svo þinn stuðningur skiptir máli. Mætum á völlinn og styðjum strákana. Áfram Tindastóll

Læti voru á Mærudögum þegar Tindastóll heimsótti Völsung í 13.umferð. Tindastóll skoraði þrjú mörk, Völsungur skoraði tvö mörk og þrjú rauð spjöld fóru á loft. Flottur sigur en næsti leikur verður heimaleikur á fimmtudaginn gegn Þrótti.

Tindastóll tók á móti Leikni á Sauðárkróksvelli en þetta var fyrsti leikur seinni umferðar. Fyrri viðureign þessara liða endaði með 1 – 1 jafntefli á gervigrasvellinum í Breiðholtinu.

Tindastóll tapaði í kvöld gegn BI/Bol á Ísafirði, lokatölur 2-0. Fyrsta markið kom eftir hornspyrnu en þær ætla að reynast okkur erfiðar í sumar. Seinna markið kemur eftir að við missum boltann klaufalega og þeir refsa okkur. Næsti leikur er heimaleikur gegn Leikni. Nú bara að rífa sig upp og gera betur næst.

Annar heimaleikur tímabilsins var í gær og unnu strákarnir glæsilegan 2-1 sigur á liðinu í 2.sæti deildarinnar. Fín stemmning myndaðist í stúkunni og áhorfendur skemmtu sér konunglega í rigningunni í gær. Næsti heimaleikur er um helgina þegar Leiknismenn koma í heimsókn. En sá leikur verður auglýstur síðar.

10.umferð 1.deildar fer fram í dag. Haukar úr Hafnafirði koma í heimsókn á Sauðárkróksvöll. Leikurinn hefst kl:19:15 og vonumst við eftir að sjá sem flesta á vellinum og hvetja okkar stráka áfram. Mætum rétt búin og skemmtum okkur á vellinum í kvöld. Áfram Tindastóll

Tindastóll mætti Víking á föstudaginn síðasta. Um var að ræða leik í 9.umferð 1.deildar. Niðurstaða leiksins var 1-1 jafntefli þar sem Elvar Páll Sigurðsson skoraði fyrir okkar menn eftir góða uppbyggingu frá Edda og Beattie. Eftir leikinn eru okkar menn með 8.stig í þriðja neðsta sæti. Næsti leikur er heimaleikur gegn Haukum á föstudaginn